Pashtida (Pastiço) me “Lakër” ose “me lule Lakër" dhe karrota

Ingredientët

1 Lakërtëbardhë

1 qepë 2 vezë

1 liter qumësht

4 lugë mielli

2 tufa me kopër

Djath kaçkavall I grirë

200 gr djath i bardhë ose gjizë

1 lug vaj ulliri

Thërime buke të grira ose në mungesë pak miell Kripë (sipas dëshirës por me kujdes se edhe djathi ka kripë)

1 tavë 20*30 cm

- Marrim tavën dhe e lyejmë me vajin dhe mbi të shpërndajmë thërrimet e bukës. - Grijmë hollë gjysmën e lakrës dhe qepën dhe i shtypim me pak kripë derisa të zbutet. I vendosim në tavë derisa të arrijë gjysma e trashësisë së tavës. Mbi lakrën shpërndajmë djathin dhe kaçkavallin si dh e grijmë hollë 1 tufë kopër. Shtrojmë edhe pjesën tjetër të lakrës me qepën por që në total mos të jetë më e trashë se 2 cm. Mbi këtë masë shtojmë sipër edhe pjsën e mbetur të djathit dhe tufën e dytë me kopër. - Në një enë përziejmë vezët, kripën, miellin dhe i shtojmë qumështin derisa na krijohet një masë e tretur mjaftë mire dhe e derdhim në tavë dhe duhet që qumshti të dali vetëm pak mbi sipërfaqen e lakrës. - E fusim ne furrë per 30 min në temperature 180 gr derisa piqet dhe nuk shohim lëngje të tepërta. Pas gatimit duhet që pastiçoja të arrijë temperaturën e ambientit pasi atëhere arrihet edhe mpiksja më e mire dhe mund ta prisni më kollaj. ** Lakrën me qepë mund ta zëvendësoni me lulelakër dhe karrota të cilat i zieni përpara që të zbuten pak dhe i prejmë në copa të vogla. Proceset e tjera janë njësoj si më sipër.

 

 

------------------------------------------------------------------------------------------------------------------------------------------------------------------------------------------------------------------------

Cheese Cake – Tortë me Djath (Super e thjeshtë)

 

Ingredientët

1 kg gjizë e firmës Natyral (përdoret kjo lloj gjize se ka shumë pak kripë, është e shkrifët dhe pa kokra. Mund të përdorni 750 gr gjizë Natyral + 250 gr Filadelfia që të dali pak më e shijshme por do ketë më shumë kalori dhe kosto).
4 vezë
5 lugë të plota (gjelle) miell
1 gote plotë me sheqer
1 limoni i grijmë lëkurën
2 pako të vogla me sheqer vanilie.
1 tavë të rrumbullakët me diametër 22 cm ose 1 tavë (Englisht Cake)

Për tja vënë sipër tortës për shije dhe zbukurim përdorim recel: boronice, luleshtrydheje, manaferre, që të ketë shumë fruta dhe pak lëng.

Përgatitja

Rrahim vezët me sheqerin për disa minuta derisa krijohet një krem e verdhë e hapët, i shtojmë miellin, vaniljen, limonin e grirë. Vazhdojmë ta përziejmë dhe në fund i shtojmë gjizën dhe e përziejmë shumë mire që të mos ketë kokra mielli apo gjize. E derdhim masën në tavë pasi ta kemi vajisur mire dhe e fusim në furrë për 50 min në temperature 180 gradë.
Pasi piqet torta e nxjerrim që të ftohet mire, e heqim nga tava dhe i vendosim recelin sipër sipas deshirës.

Ju bëftë mirë dhe gëzuar Shavuotin